வெள்ளி, 18 மே 2012 14:15

0 Comments

இஸ்லாமாபாத், மே.18- ஆப்கானிஸ்தானில் உள்ள நேட்டோ படைக்கு பொருட் களை எடுத்து செல்லும் வழியை பாகிஸ்தான் மூடி வைத் துள்ளது.

அமெரிக்கா நெருக் கடியை அடுத்து இந்த வழியை திறக்க பாகிஸ்தான் தீர்மானித் துள்ளது. இந்நிலையில் பாகிஸ் தானில் இருக்கும் இங்கிலாந்து, ஆஸ்திரேலியா, பிரான்சு நாடுகளின் தூதரகங் களுக்கு பார்சல்கள் வந்தன. அதில் விஷம் கலந்த சுமார் 1/2 கிராம் எடையுள்ள பவுடர் இருந்ததாக சந்தேகிக்கப்படுகிறது.

உடனே இந்த பார்சல்கள் பாகிஸ்தான் காவல்துறையி னரிடம் ஒப்படைக்கப்பட்டன. இந்த தகவலை இஸ்லாமாபாத் காவல்துறை உயர் அதிகாரி யாமின்கான் உறுதி செய்தார்.

மேலும் அவர் கூறுகையில்,

`சிந்து மாகாணத்தில் உள்ள அய்தராபாத்தில் இருந்து இவை வந்துள்ளன. அதில் நேட்டோ படைக்கு வழியை திறப்பதற்கு எதிர்ப்பு தெரிவிக்கும் 3 வரி களில் மிரட்டல் வாசகம் இடம் பெற்று இருக்கிறது. கறுப்பு நிறத்தில் இருக்கும் இந்த பவுடர் வெடிமருந்து அல்ல' என்று கூறினார். கைப்பற்றப் பட்ட இந்த மர்ம பவுடர் என்ன? என்பதை கண்டறிய பரிசோ தனை கூடத்திற்கு அனுப்பி வைத்துள்ளனர்.

வெள்ளி, 18 மே 2012 14:09

0 Comments

வாஷிங்டன், மே 18-  இனி அமெரிக்கத் தலைநகர் வாஷிங்டனிலும் தலைப்பாகை, மீசை, தாடியுடன் பணியாற்றும் காவல் துறையினரைக் காண முடியும். சீக்கியர் களின் மத அடையாளங்களான இவற் றுடன் பணியாற்ற வாஷிங்டன் காவல் துறை ஒப்புதல் அளித்துள்ளது.

இது தொடர்பான அறிவிப்பை வாஷிங்டன் காவல்துறை தலைவர் காத்தே லீனியர் தெரிவித்தார். சீக்கிய மதத்தைச் சேர்ந்த 4,000 வீரர்கள் பயிற்சிக்கு சென் றுள்ளனர் என்றும், ஆகஸ்ட் மாதத்தி லிருந்து படிப்படியாக இவர்கள் பணியில் ஈடுபடுத்தப்படுவர் என்றும் அவர் கூறினார்.

தலைப்பாகை அணிவது, தாடி, மீசை வைப்பது மேலும் குறுவாள் எனப்படும் சிறிய கத்தியை தலைப்பாகைக்குள் வைத்திருப்பது ஆகியன சீக்கியர்களின் மத நம்பிக்கையாகும்.

பொதுவாக மேற் கத்திய நாடுகளில் தாடி, மீசை மற்றும் தலைப்பாகையுடன் சீக்கியர்கள் பணி யாற்றுவது பெரும் சர்ச்சையை ஏற்படுத்தி யுள்ளது. பிறகு அவர்களின் மத உணர்வு களுக்கு மதிப்பளித்து அவர்களை பணியில் சேர்த்துக் கொள்வது உள்ளிட்ட நடவடிக்கைகளை பிற நாடுகள் மேற் கொண்டுள்ளன.

அமெரிக்காவிலும் பிற மாகாணங்களில் காவல்துறையில் சீக்கியர்கள் மத அடையாளங்களுடன் பணி புரிய அனுமதிக்கப் பட்டுள்ளனர். ஏற்கெனவே அமெரிக்க ராணுவத்தி லும் சீக்கியர்கள் உள்ளனர். அமெரிக்க வாழ் சீக்கியர்கள் காவல்துறையில் சேர்ந்த பிறகு முழு கடமை உணர்வோடு நாட்டுக் காக பணியாற்றுவர். அதற்காக அவர் களது மத உணர்வுகளுக்கு மதிப்பளித்து இத்தகைய விதி விலக்கு அளிக்கப்பட் டுள்ளதாக லீனியர் தெரிவித்தார். 9 ஆண்டுகளுக்கு முன்பு அமெரிக்க சீக்கியர்கள், சாலை விதிமீறல் கட்டுப்பாட்டு அதிகாரிகளாக நியமிக்கப் பட்டனர்.

இப்போது முழு நேர காவல் பணியில் ஈடுபட அழைப்பு விடுக்கப்பட் டுள்ளதாக அமெரிக்க வாழ் சீக்கியர்களுக் கான சட்ட பாதுகாப்பு மற்றும் கல்வி நிதியத்தின் செயல் இயக்குநர் ஜஸ்ஜித் சிங் தெரிவித்தார்.

தலைநகர் வாஷிங்டனில் தலைப்பாகை அணிந்து பணியாற்ற சீக்கிய காவல்துறைக்கு அனுமதி அளித்த போதிலும் நியூயார்க் மாகாண காவல் துறையில் இன்னமும் அனுமதி அளிக்கப் படவில்லை என்பது குறிப்பிடத்தக்கது. ஏற்கெனவே கனடா மற்றும் பிரிட்டனில் காவல்துறையில் பணியாற்ற சீக்கிய சமூகத் தினருக்கு அனுமதி அளிக்கப்பட்டுள்ளது.