எழுத்துரு அளவு Larger Font Smaller Font

ஒப்பாரும் மிக்காரும் இலாத ஒரே தலைவரான

தந்தை பெரியார் தம் சுயமரியாதைச் சூரணத்தை,

கவிதைத் தேனில் குழைத்துத் தந்த குவலயம்

போற்றிட்ட நம் புரட்சிக்கவிஞர் புதுஉலகம்

காண பூபாளம் பாடிய கவிதை மழையோன்!

பெயரில் ‘பாரதிக்கு தாசன்’ என்பது  நன்றியாலும், பண்பாலும்.

ஆனால், கொள்கை லட்சிய நெறியில்

அவருக்கு இணை எவருமிலர்!

‘‘காற்செருப்பை பிறறொருவன் கழிவிடத்தில்

தள்ளிடினும் பொறாத உள்ளம்‘’  -

இதைவிட சுயமரியாதைக்கு விளக்கம் எளிதாக எவரால் தர முடியும்?

‘‘கோழியும் தன் குஞ்சுதனைக் கொல்லவரும்

வான்பருந்தை சூழ்ந்தெதிர்க்க அஞ்சாத

தொல்புவியில்....’’

என்னே சுயமரியாதை உணர்வின் கொப்பளிப்பு!

‘‘காட்டிலொரு முயற்குட்டி துள்ளக்கூடும்

கருஞ்சிறுத்தைக் கண் விழித்தால் தெரியும் சேதி!

தோட்டத்து புடலங்காயா? தமிழர் நாடு

உடையோன் தூங்கி விழித்தால்

உரிப்பான் தோலை!’’

எப்படி உரிமை முழக்கங்கள்!

இன்றும் பொருந்தும் பொய்யா மொழிகள் அல்லவா இவைகள்?

புரட்சிக்கவிஞரின் புகழ் வேண்டா லட்சிய நோக்கு,

‘‘மானம் ஒன்றே நல்வாழ்வெனக்கொண்டு

வாழ்ந்த எம் மறவேந்தர்

பூனைகள் அல்லர்; புலிநிகர் தமிழ்மாந்தர்!’’

என்ற பிரகடனங்கள் இன்றும் முழக்கப்பட வேண்டிய அவர் தந்த கவிதை ஆயுதங்கள்!

இந்த மானுடக் கவிஞன் மாப்புகழ் பாடி, மானமீட்பர்களாகத்  திகழ சூளுரைப்போம்!

அந்த சுயமரியாதைக்கு சூடு போட்ட கவிஞனின் பிறந்த நாளில்...!

 

கி.வீரமணி
தலைவர், திராவிடர் கழகம்.


சென்னை
29.4.2017  

தமிழில் கருத்துக்களை தெரிவிக்க -  


Security code
Refresh

Banner
Banner