எழுத்துரு அளவு Larger Font Smaller Font

சென்னை, ஜூலை, 11 மருத்துவக் கல்லூரி சேர்க்கைக்கான 'நீட்' நுழைவுத் தேர்வை எதிர்த்தும் -தமிழ்நாடு சட்டப் பேரவையில் இது தொடர்பாக நிறைவேற் றப்பட்ட மசோதாக்களுக்கு மத்திய அரசும், குடியரசு தலைவரும் ஒப்புதல் வழங்கிட வற்புறுத்தியும் நாளை (12.7.2017) தமிழ்நாட் டில் மாவட்டத் தலைநகரங்களில் ஜனநாயக உரிமைப் பாதுகாப்புக் கூட்டமைப்பின் சார் பில் நடைபெறும் ஆர்ப்பாட்டத்திற்கு பங்கேற்றும் ஆதரவு தெரிவித்தும் இந்தியக் கம்யூனிஸ்ட் கட்சி (மார்க்சிஸ்ட்), எஸ்.டி. பி.அய்., திராவிட இயக்க பேரவை, தலித் கிறித்துவ மக்கள் கூட்டமைப்பு சார்பாக வெளியிட்டுள்ள அறிக்கைகள் வருமாறு:

இந்தியக் கம்யூனிஸ்டுக் கட்சி (மார்க்சிஸ்ட்) அறிக்கை


தமிழக சட்டமன்றத்தில் ஒருமனதாக நிறைவேற்றப்பட்ட நீட் மசோதாக்களுக்கு மத்திய பாஜக அரசு ஒப்புதல் அளிக்க மறுத்து வருகிறது. தமிழக மாணவர்கள் நலன் சம்பந்தப்பட்ட பிரச்சினையில் எந்த முடிவும் எடுக்காமல் இப்பிரச்சினையை மத்திய அரசு கிடப்பில் போட்டுள்ளது. தமிழக மாணவர்களின் நலன் காக்க இயக்கம் நடத்துவது குறித்து 4-.07.-2017 அன்று திராவிடர் கழகம் முன்முயற்சியில் ஆலோசனை கூட் டம் நடைபெற்றது. இக்கூட்டத்தில் மார்க் சிஸ்ட் கம்யூனிஸ்ட் கட்சி உள்ளிட்ட எதிர்க் கட்சிகள் கலந்து கொண்டன.

நீட் தேர்விலிருந்து தமிழகத்திற்கு விலக்கு அளிக்க வேண்டுமென வலியுறுத்தி 12-.7.-2017 அன்று மாவட்ட தலைநகரங்களில் ஆர்ப் பாட்டம் நடத்துவது என்றும், தமிழக சட்டமன்றத்தில் நிறைவேற்றப்பட்ட நீட் மசோதாக்களுக்கு ஒப்புதல் தர வேண்டு மென்ற கோரிக்கையை வலியுறுத்தி ஒரு கோடி அஞ்சலட்டைகள், மின்னஞ்சல்களை மாணவர்கள் அனுப்புவது என்றும் மேற் கண்ட கூட்டத்தில் முடிவெடுக்கப் பட்டது.

இதன் அடிப்படையில் மாநிலம் முழு வதும் 2017, ஜூலை 12 அன்று நடைபெறும் ஆர்ப்பாட்டத்தில் மார்க்சிஸ்ட் கம்யூனிஸ்ட் கட்சி பங்கேற் கிறது. இந்த ஆர்ப்பாட்டத்தை வெற்றி பெறச் செய்ய வேண் டுமென அனைத் துப்பகுதி மக் களையும் மார்க் சிஸ்ட் கம்யூனிஸ்ட் கட்சியின் மாநில செயற்குழு கேட்டுக் கொள்கிறது என்று இந்தியக் கம்யூனிஸ்ட் கட்சி (மார்க்சிஸ்ட்)யின் மாநிலச் செயலாளர் ஜி. ராமகிருஷ்ணன் தமது அறிக்கையில் குறிப்பிட்டுள்ளார்.

எஸ்.டி.பி.அய். அறிக்கை

இதுகுறித்து எஸ்.டி.பி.அய். கட்சியின் மாநில தலைவர் கே.கே.எஸ்.எம். தெகலான் பாகவி வெளியிட்டுள்ள அறிக்கையில் கூறியிருப்பதாவது;

சமூக நீதியை குழிதோண்டிப் புதைக்கும் மருத்துவக் கல்விக்கான நீட் நுழைவுத் தேர்விலிருந்து தமிழகத்திற்கு விலக்களிக்க வேண்டும்; தமிழகத்திற்கு நீட் தேர்விலிருந்து விலக்குக்கோரும் தமிழக அரசு இயற்றியுள்ள சட்டங்களுக்கு மத்திய அரசு ஒப்புதல் அளிக்க வேண் டும் என்பதை வலியுறுத்தி, தமிழ் நாட்டி லுள்ள அனைத்து மாவட்டத் தலை நகரங்களிலும் ஜூலை 12ஆம் நாள் மக்கள் திரள் ஆர்ப்பாட்டம் நடத்துவதென ஜனநாயக உரி மைப் பாதுகாப்புக் கூட்டமைப்பின் கூட்டத்தில் முடிவு செய்யப் பட்டது.

திராவிடர் கழகத் தலைவர் கி.வீரமணியின் தலை மையில் கடந்த ஜூலை 4 அன்று நடைபெற்ற கலந்தாய்வு கூட்டத்தில், திமுக, காங்கிரஸ், எஸ்.டி.பி.அய்., விசிக, இடது சாரிகள், மமக, இ.யூ.மு.லீக் உள்ளிட்ட ஏராளமான கட்சிகள், அமைப்புகள் பங்கேற் றன. அக்கூட்டத்தில், நீட் நுழைவுத் தேர்வி லிருந்து தமிழகத்துக்கு விலக்களிக்கக்கோரி தமிழக அரசு இயற்றி யுள்ள சட்டங்களுக்கு குடியரசுத் தலைவர் இதுவரை ஒப்புதல் அளிக்காதது குறித்து கண்டனம் தெரிவிக்கப் பட்டது. மேலும், தமிழக அரசு இயற்றியுள்ள சட்டங்களுக்கு மத்திய அரசு ஒப்புதல் அளிக்க வேண்டும் என்பதை வலியுறுத்தி தமிழகமெங்கும் மக்கள் திரள் ஆர்ப்பாட்டம் நடத்துவதென முடிவு செய்யப்பட்டது.

அதன்படி, ஜூலை 12ஆம் தேதி தமிழக மெங்கும் நடைபெறும் மக்கள் திரள் ஆர்ப் பாட்டத்தில் எஸ்.டி.பி.அய். கட்சியினர் பெரும் அளவில் கலந்துகொண்டு, தமிழகத் தின் உணர்வை வெளிப்படுத்த வேண்டுமென கேட்டுக்கொள்கிறேன். மேலும், தமிழக மாணவர்களின் நலனை காக்க இந்த ஆர்ப் பாட்டத்தில் அனைத்து தரப்பு மக்களும் திரளாக கலந்து கொள்ள வேண் டும் எனவும் கேட்டுக் கொள்கிறேன்.
இவ்வாறு அவர் அந்த அறிக்கையில் தெரிவித்துள்ளார்.

திராவிட இயக்கத் தமிழர் பேரவை


சமூக நீதிக்கும், மாநில சுயாட்சிக்கும் எதிரான நீட் தேர்வை, மத்திய அரசு நடத்தி முடித்துள்ளது. மருத்துவக் கல்லூரிகளுக்கு இவ்வாண்டு நடைபெற்றுள்ள இத்தேர்வு,  வரும் ஆண்டில் பொறியியல் படிப்புக்கும் விரிவடைய உள்ளது. இச்சமூக அநீதியை எதிர்க்க வேண்டிய கடமை நம் அனை வருக்கும் இருக்கிறது.  எனவே, 12.07.2017 அன்று காலை 10 மணிக்கு, சென்னை, மாவட்ட ஆட்சியர் அலுவலகம் முன்பு, ஜனநாயக உரிமைப் பாதுகாப்புக் கூட்ட மைப்பு நடத்தவுள்ள நீட் எதிர்ப்பு ஆர்ப் பாட்டத்தில் கட்சி எல்லை களைக் கடந்து அனைவரும் கலந்து கொள்ள வேண் டுமென்று கேட்டுக் கொள் கின்றோம்.
இவ்வாறு திராவிட இயக் கத் தமிழர் பேர வைப் பொதுச்செயலாளர் பேரா. சுப. வீர பாண்டியன் அறிக்கையில் குறிப்பிட்டுள்ளார்.

தலித் கிறித்துவ மக்கள் கூட்டமைப்பு

நீட்  தேர்வு முடிவுகள்  அறிவிக்கப்பட்டு தமிழ்நாட்டில்  தேர்வு எழுதிய 83859 மாணவர்களில் 32570 மாணவர்கள்  மட்டுமே தேர்ச்சி  பெற்றுள்ளார்கள்.  அதில் அதிகம் மதிப்பெண் பெற்ற மாணவர்களின்  முதல் 25 பேர் பட்டியலில் தமிழ்நாட்டில்  யாரும் இல்லை மாநில அளவில் ப்ளஸ் 2  தேர்வில்  அதிக மதிப்பெண் பெற்றவர்கள் கூட தேர்ச்சி  பெறவில்லை நீட்  தேர்வு முடிவுகள்  மாண வர்களின் மதிப்பெண் / தரவரிசை பட்டியல் குறித்தோ  தேர்வு நடத்திய   சி.பி.எஸ்.இ.   இதுவரை வெளிப்படையாக தெரிவிக்க வில்லை .

கிராமங்கள்  மற்றும் நகரங்களுக்கிடையே கல்வி தரம்  வேறுபடும்போது அனைவரும் சி.பி.எஸ்.இ.   தேர்வை  எப்படி  எழுத முடியும்? நாடு முழுவதும்  ஒரே  தேர்வு  என்று சொல்லிவிட்டு பல மாநிலங்களில் வினாக்களை மாற்றியது ஏன்? நாடு முழு வதும்  வெவ்வேறு  பாடத்திட்டமும், வெவ்வேறு கல்வி தரமும் மாநிலத்திற்கு மாநிலம்  வேறுபடும்போது  சி.பி.எஸ்.இ. பாடத்திட்டத்தில்  அதிக கேள்விகள் கேட்கப் பட்டது ஏன்? அதை  எப்படி மாணவர்கள் எதிர் கொள்ளமுடியும்?

சமூக  நீதி மறுக்கப்படும்  அவலம்  வெறும்  நீட்   வெறும் மருத்துவம்  மட்டு மல்ல பொறியியல்  படிப்பு  முதல்  அனைத் துத் துறைகளிலும் இந்த அவலம் நீடிக்க விடலாமா ?

தமிழகத்தை  பொறுத்தவரை  மாநில அரசு ப்ளஸ் 2 தேர்வு அடிப்படையில் மருத் துவ மாணவர் சேர்க்கை  நடைபெறவேண்டும்   இதற்கான  அழுத்தத்தை அனைத்துக் கட்சி களின் பிரதிநிதிகள்  அடங்கிய குழு  குடியரசு தலைவரை  சந்திக்க மாநில அரசு  ஏற்பாடு செய்ய வேண்டும் அதற்கு முன்னதாக  அனைத்துக்கட்சி  கூட்டத்தை கூட்ட வேண்டும் தமிழ்நாடு சட் டப் பேரவையில் நிறைவேற்றப் பட்ட  இரு சட் டங்களை உட னடியாக  குடி யரசு தலைவர் ஒப்புதலை பெற் றுத்தர  மத்திய /மாநில அரசு களை  வலியு றுத்தி   நமது  கட்சியை இயக்கம் சார்ந்த மாணவர்கள்  லட்சக்கணக்கான அஞ்சல் அட்டை  மற்றும் மின்னஞ்சல் அனுப்பு மாறும், திராவிடர் கழக மாவட்ட பொறுப் பாளர்களை தொடர்பு கொண்டு தம்மை இணைத்துக்கொண்டு பணியாற்றிடு மாறும்.

ஜனநாயக உரிமைப் பாதுகாப்பு கூட்ட மைப்பின்  சார்பில் நடைபெற உள்ள அனைத்து கட்சி ஆர்ப்பாட்டத்திற்கு  நமது கூட்ட்டமைப்பின் சார்பில் தோழர்கள் அந்தந்த  மாவட்டங்களில்  பதாகைகளுடன்  கலந்துகொள்ளுமாறு  கேட்டுக் கொள்கின் றோம் என்று தலித் கிறித்துவ மக்கள் கூட்டமைப்பினர் சார்பாக பே. பெலிக்ஸ், ஞா. மேத்யூ ஆகியோர் அறிக்கையில் குறிப் பிட்டுள்ளனர்.

தமிழில் கருத்துக்களை தெரிவிக்க -  


Security code
Refresh

Banner
Banner